कैलालीका एसपी जबरा कोरोनामुक्त
कैलालीका प्रमुख प्रहरी उपरीक्षक अनुपम शमशेर जबरा कारोना संक्रमणमुक्त भएका छन् ।
एसपी जबराले कोरोना जितेको जिल्ला प्रहरी कार्यालयले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक प्रतीक विष्टले काठमाडौँमा उपचाररत एसपी जबराको रिर्पोट नेगेटिभ आएसँगै संक्रमणमुक्त भएको जानकारी दिए ।
उनका अनुसार ४ दिन अघि गरिएको परीक्षणमा जबराको रिर्पोट नेगेटिभ आएको हो । काठमाडौँको प्रहरी अस्पतालमा उपचाररत जबरा रिर्पोट नेगेटिभ आएपछि डिस्चार्ज भएका छन् ।
उनी अहिले घर फर्किसकेका छन् । केही दिनको आरामपछि मात्र नियमित काममा फर्किने प्रहरीले जनाएको छ ।
गत असोज २० गते कोरोना संक्रमण देखिएका जबराको स्वास्थ्यमा समस्या देखिएपछि उपचारका लागि काठमाडौँ लगिएको थियो ।
कैलालीमा अहिले प्रहरी प्रमुखको रुपमा काजमा प्रहरी उपरिक्षक दिलिपसिह देउवालाई खटाइएको छ ।
