कोरोना अपडेटः थप ३०३ जनामा कोरोना पुष्टि, ६ जनाको मृत्यु
काठमाडौं । पछिल्लो २४ घण्टामा नेपालमा ३०३ जना कोरोना संक्रमित थपिएका छन् । यो सँगै कुल संक्रमितको संख्या २ लाख ७० हजार ९२ पुगेको स्वास्थ्य तथा जनसंख्या मन्त्रालयले जनाएको छ ।
जसमध्ये ३ हजार २५२ जना सक्रिय संक्रमित छन्। गत २४ घण्टामा ४ हजार ५७४ जनाको पिसिआर परीक्षण गर्दा ३०३ जनामा कोरोना पुष्टि भएको छ।
मंगलबार थप ६ जना कोरोना संक्रमितको मृत्यु भएको छ । यो सँगै कोरोना संक्रमित मृतकको संख्या २ हजार १७ पुगेको मन्त्रालयले जनाएको छ।
