कोरोना अपडेट : ४०९ जनामा कोरोना संक्रमण पुष्टि, ६ जनाको मृत्यु
काठमाडौं । पछिल्लो २४ घन्टामा थप ४०९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले बुधवार दिएको जानकारी अनुसार १४४ जना महिला र २६५ गरि ४०९ जनामा संक्रमण पुष्टि भएको हो । यो संख्या ६ हजार ७ सय ६ जनाको पिसिआर परीक्षण गर्दाको हो ।
यससँगै नेपालमा कोरोना पोजेटिभको संख्या २६३१९३ पुगेको छ ।
पछिल्लो २४ घन्टामा कोरोना संक्रमणका कारण थप ६ जनाको मृत्यु भएको मन्त्रालयले जनाएको छ । यससँगै मृत्यु हुनेको संख्या १८९९ पुगेको मन्त्रालयले जनाएको छ ।
