छक्का पञ्जा-४ र छडके-२ आजबाट प्रदर्शन
काठमाडौं – फिल्म छक्का पञ्जा-४ र छडके-२ आजवाट प्रदर्शनमा जाने भएका छन्।
दिपकराज गिरी र दिपाश्री निरौलाको छक्का पञ्जा र अनमोल केसी अभिनित छडके-२ आजबाट प्रदर्शनमा आउन लागेका हुन्। दुबै सिक्ववेल मुभी हुन।
हेमराज बिसीले निर्देशन गरेको फिल्ममा दीपकराज गिरी, दीपाश्री निरौला, केदार घिमिरे, निर्मल शर्मा, बुद्धि तामाङ, स्वस्तिमा खड्का, राज आचार्य, सुष्मा निरौला, वेदना राईलगायत कलाकारको अभिनय छ।
फिल्मको कथा दीपकराज गिरीले तयार पारेका हुन्। नरेन्द्र मैनालीले छायांकन गरेको फिल्मलाई निमेष श्रेष्ठले सम्पादन गरेका हुन्।
दिपेन्द्र खनिया र केशव न्यौपाने निर्माता रहेको फिल्मका कार्यकारी निर्माता केदारप्रसाद घिमिरे र निर्मल शर्मा छन्। आमा सरस्वती मुभिज र आइएमीको प्रस्तुति रहेको छ।
उता, निर्भान फिल्म स्कुलको छडके-२ मुख्य कलाकारमा अनमोल केसी छन्। चकलेटी हिरोको छवी बनाएका अनमोल छडके-२ वाट ग्यांगस्टार मुहारमा देखिदैछन। प्रशान्त गिरी र देवकुमार श्रेष्ठको निमार्णमा रहेका छडके-२ लाई निगम श्रेष्ठले निर्देशन गरेका हुन्। दुवै सिक्ववेल मुभी हुन।