डान्सिङ्ग विथ द स्टार्सको उपाधि सुमी मोक्तानको जोडीले जित्यो
काठमाडौं । चर्चित रियालिटी शो डान्सिङ्ग विथ द स्टार्स नेपालको पहिलो सिजनको उपाधि सुमी मोक्तान र बिजु पार्की जोडीले जितेको छ।
फस्र्ट रनरअप बुद्ध लामा र केविका खत्रीको जोडी जोडी भयो भने सेकेण्ड रनर अप टिम प्रियना आचार्य र सुभम् भुजेलको जोडी घोषीत भएको छ।
राजधानीमा हिजो भएको ग्रान्ड फिनालेमा डान्सिङ्ग विथ द स्टार्सको उपाधी यो जोडिले हात पार्न सफल भएको हो।
विजेता भएसँगै यो जोडीले २० लाख नगद सहित ट्रफी र अन्य पुरस्कार प्राप्त गरेको छ।
फाइनल राउण्डको लागि छानिएका ३ जोडीमध्ये दर्शकको भोटका आधारमा अन्तिममा एक जोडीलाई विजेता घोषणा गरिएको हो।
बुद्ध लामा र केबिका खत्री, सुमी मोक्तान र बिजु पार्की तथा प्रियना आचार्य र सुभम् भुजेलको जोडी डान्सिङ्ग विथ द स्टार्सको फाइनलमा पुगेको थियो।
ग्राण्ड फिनाले हिमालय टिभी एजडीबाट प्रत्यक्ष प्रशारण गरिएको थियो। अन्तराष्ट्रिय डान्स सेलिब्रेटी रियालिटी शो डान्सिङ्ग विथ द स्टार्सको नेपाल भर्सन ‘डान्सिङ्ग विथ द स्टार्स नेपाल’ को यो पहिलो सिजन हो।
रियालिटी शोमा दिलिप रायमाझी, गौरी मल्ल र रेनशा वान्तवा राई जजको रुपमा रहेका थिए।
