प्रचण्डको आह्वानमा नेकपाका बहुमत सचिवालय सदस्यको बैठक धुम्बाराहीमा शुरु

काठमाडौं । सत्तारुढ नेपाल कम्युनिस्ट पार्टी (नेकपा)का कार्यकारी अध्यक्ष पुष्पकमल दाहाल (प्रचण्ड)को आह्वानमा पार्टी केन्द्रीय कार्यालय धुम्बाराहीमा बहुमत सचिवालय सदस्यहरूको अनौपचारिक बैठक शुरु भएको छ ।

बैठकमा प्रधानमन्त्री बाहेक अन्य ७ जना सचिवालय सदस्यलाई उपस्थित हुन भनिएको थियो । तर, ओलिपक्षका सचिवालय सदस्य ईश्वर पखरेल र महासचिव विष्णु पौडेल उपस्थित भएका छैनन् ।

बैठकमा अध्यक्ष प्रचण्ड सही सचिवालय सदस्यहरु झलनाथ खनाल, माधवकुमार नेपाल, वामदेव गौतम, नारायणकाजी श्रेष्ठ सहभागी छन् ।

प्रचण्डले बिहीबार दिउँसो अर्का अध्यक्ष एवम् प्रधानमन्त्री केपी शर्मा ओलीसँग भएको भेटबारे ब्रिफिङ गर्न सचिवालय सदस्यहरुलाई धुम्बाराही बोलाएका हुन् ।

ओली र प्रचण्डबीच बिहीबार दिउँसो प्रधानमन्त्रीको सरकारी निवास बालुवाटारमा छलफल भएको थियो ।

यसअघि प्रचण्डले गत आइतबार ईश्वर पोखरेल र विष्णु पौडेल बाहेकका सचिवालय सदस्यहरुसँगको छलफलका क्रममा प्रधानमन्त्री ओलीबाट ‘सहमतिमै पार्टी फुटाऔं’ भन्ने प्रस्ताव आएको बताएका थिए ।

प्रचण्डले ओलीको प्रस्तावबारे ६ जना सचिवालय सदस्यहरुलाई ब्रिफिङ गरेपछि नेकपा भित्रको आन्तरिक विवाद पुनः विभाजनको संघारमा पुगेको पक्ष बाहिरिएको थियो ।

Leave a Reply

Your email address will not be published. Required fields are marked *

Back to top button