२४ घन्टामा कोरोनाले थप २६ जनाको मृत्यु
काठमाडौं । पछिल्लो २४ घन्टामा कोरोना भाइरस संक्रमणका कारण नेपालमा थप २६ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार देशका विभिन्न भागमा आज थप २६ जनाको कोरोना संक्रमणका कारण मृत्यु भएको हो ।
यससँगै कोरोनाका कारण नेपालमा अहिलेसम्म ७९१ जनाको मृत्यु भएको छ ।
पछिल्लो २४ घन्टामा नेपालमा थप ५ हजार ७ सय ४३ जनामा कोरोना संक्रमण देखिएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशका विभिन्न प्रयोगशालामा गरिएको परीक्षणका क्रममा आज देशभर ५ हजार ७ सय ४३ जनामा कोरोना संक्रमण पुष्टि भएको छ ।
यससँगै नेपालमा कोरोना संक्रमितको संख्या १४४८७१ पुगेको छ ।
