भारत र अमेरिकासहित १० मुलुकको उडान रोक्ने सरकारको तयारी

काठमाडौं । भारत र अमेरिकासहित १० मुलुकको उडान रोक्ने सरकारले तयारी गरेको छ । कोरोना भाइरस (कोभिड-१९) संकट व्यवस्थापन केन्द्र (सीसीएमसी)ले कोरोनाभाइरसबाट अति प्रभावित १० मुलुकबाट नेपालसँग हुने सीधा अन्तर्राष्ट्रिय उडानमा रोक लगाउन मन्त्रिपरिषद्मा सिफारिस गरेको हो ।
शुक्रबार बेलुका सीसीएमसीको बसेको बैठकले मुलुकभित्र कोरोनाको संक्रमण भयावहरुपमा फैलिएको निष्कर्ष निकाल्दै आन्तरिक उडान समेत बन्द गर्न सिफारिस गरेको हो ।
पर्यटनमन्त्री भानुभक्त ढकालले कोरोना अतिप्रभावित मुलुकहरु भारत, अमेरिका, बेलायत लगायतका दस मुलुकबाट हुने उद्गम स्थलको उडानलाई रोक लगाउन सिफारिस गरिएको बता्उ । ट्रान्जिट हुँदै आउने विमानमा भने यो नियम लागु नहुने उनको भनाई छ ।
ढकालका अनुसार आन्तरिक उडान पनि बन्द गरौं भन्ने प्रस्ताव भएको छ
छ । सीसीएमसीले गरेका सिफारिस मन्त्रिपरिषद्को आगामी बैठकले पारित गर्ने र त्यसपछि कार्यान्वयनमा जाने उनको भनाई छ ।
भाइरसबाट अति प्रभावित भारतबाट हुने उडानमा रोक लगाउनुपर्ने सुझाव विज्ञहरुमा दिँदै आएका थिए । बैठकले भारतसँगका २२ नाका बन्द गर्न पनि मन्त्रिपरिषद्मा सिफारिस गरेको हो ।