मध्यरातमा महन्थको विज्ञप्ति– ‘वैकल्पिक सरकार गठन जसपाको उद्देश्य होइन’
काठमाडौं । जनता समाजवादी पार्टी नेपालका अध्यक्ष महन्थ ठाकुरले वैकल्पिक सरकार गठन आफ्नो पार्टीको प्राथमिकतामा नरहेको बताएका छन् ।
सोमबार राति विज्ञप्ति जारी गर्दै ठाकुरले आफ्नो एजेण्डा सम्बोधनको पक्षमा रहेको बताएका छन् । सत्ताको खेलामा भन्दा पनि आफूहरुले उठाउँदै आएको एजेण्डा पूरा गराउन तल्लीन रहेको बताएका छन् ।
केपी शर्मा ओली नेतृत्वको सरकारसँग निरन्तर वार्ता भइरहेको र आफ्ना एजेण्डा पूरा गराउन प्रयासरत रहेको भन्दै नयाँ सरकार गठन आफ्नो प्राथमिकतामा नरहेको स्पष्ट पारेका हुन् ।
