रातो मच्छिन्द्रनाथलाई भोलि बुंगमती लगिने

रातो मच्छिन्द्रनाथको रथलाई भोलि सांकेतिक रुपमा तानेर लतितपुरको बुंगमती लगिने भएको छ।

अहिले रथ ललितपुरको सोह्खुट्टे पाटीमा राखिएको छ। गत जेठ १ गते रथ तानेर सोह्खुट्टे पाटी ल्याईएको थियो।वर्षा र सहकालका देवता रातो मच्छिन्द्रनाथको रथलाई हरेक वर्ष रथारोहण गरिएको चौथो दिनमा रथ तान्ने चलन छ ।

कोरोना संक्रमणको जोखिम बढे पछि मच्छिन्द्रनाथको रथलाई सांकेतिक रुपमा तानेर बुंगमति लगिने भएको हो। रथयात्रामा सरिक हुन पाउने मानिसहरुको संख्या पनि तोकिए अनुसार सिमित व्यक्ति मात्र सरिक हुन पाउने छन।