मन्त्रिपरिषद विस्तार आज, ४ बजे सपथ
काठमाडौं । प्रधानमन्त्री केपी शर्मा ओलीले आज मन्त्रिपरिषद विस्तार गर्न लागेका छन् । आज विस्तार भएसँगै मन्त्रिपरिषदले पूर्णता पाउने छ ।
हाल १७ सदस्यीय मन्त्रिपरिषदमा ७ मन्त्री थपेर सरकारलाई पूर्णता दिन लागिएको हो ।
मन्त्रीहरुको आजै सपथग्रहण हुने सम्भावना रहेको प्रधानमन्त्री कार्यालय स्रोतले जनाएको छ । प्रधानमन्त्री ओली मन्त्रीहरुको नाम अन्तिम टुंगो लगाउन नेताहरूसँग परामर्शमा छन् ।
मन्त्रिपरिषदमा सुदूरपश्चिम, कर्णाली र गण्डकीको प्रतिनिधित्व नभएकाले प्रदेशको समेत समावेशीता मिलाएर सूची तयार हुन लागेको बुझिएको छ ।
एमालेभित्र पूर्वमाओवादी समूहका कम्तीमा दुईजनाले अवसर पाउने भएका छन् । अन्य सबै एमालेका छन् ।
