नेपालमा थप ८५५ जनामा कोरोना भाइरसको संक्रमण
काठमाडौं । नेपालमा थप ८ सय ५५ जनामा कोरोना भाइरसको संक्रमण देखिएको छ ।
पछिल्लो २४ घण्टामा देशभरका प्रयोगशालामा गरिएको परीक्षणका क्रममा ८ सय ५५ जनामा संक्रमण देखिएको हो ।
यससँगै नेपालमा कोरोना संक्रमित हुनेको संख्या ३३ हजार ५ सय ३३ पुगेको छ ।
पछिल्लो २४ घण्टामा देशभर गरी ११ हजार ३ सय २७ जनाको आरटी पीसीआर विधिबाट नमूना परीक्षण गरिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।
पछिल्लो २४ घण्टामा ३ सय १३ जना संक्रमण मुक्त भएर डिस्चार्ज भएका छन् । हालसम्म संक्रमण मुक्त भएर डिस्चार्ज हुनेको संख्या १९ हजार १ सय १९ पुगेको छ ।
