रातोपाटी न्यूज 
सरकारले निर्माणाधीन ३ रंगशालालाई राष्ट्रिय गौरवको आयोजनामा समावेश गरेको छ । बिहीबार बसेको मन्त्रिपरिषद् बैठकले काठमाडौंको मूलपानी, चितवन र विराटनगरमा रंगशालालाई राष्ट्रिय गौरवको आयोजना घोषणा गरेको हो ।
सरकारकी प्रवक्तासमेत रहेकी सूचना तथा सञ्चारमन्त्री सञ्चारमन्त्री रेखा शर्माले ३ वटा क्रिकेट रंगशालालाई राष्ट्रिय गौरवको आयोजना घोषणा गरी निर्माण अघि बढाउने बढाउने निर्णय गरेको जानकारी दिइन् ।
पूर्वाधार अभावका बाबजूद क्रिकेटमा नेपालले धेरै उपलब्धी हासिल गरेको र सम्भावना पनि निकै राम्रो भएकाले सरकारले क्रिकेट रंगशाला निर्माण अघि बढाउन लागेको उनले बताइन् ।
मूलपानीमा ३ दशक अघिदेखि अन्तर्राष्ट्रिय स्तरको क्रिकेट रंगशाला निर्माण थालिए पनि अझै पूरा हुन सकेको छैन । त्यस्तै, चितवनमा धुर्मुस सुन्तली फाउन्डेशनले निर्माण थाले पनि अलपत्र परेको छ । यद्यपि, हालै बागमती प्रदेश सरकार र भरतपुर महानगरपालिकाले सो रंगशाला संयुक्त रुपमा निर्माण गर्ने घोषणा गरेका छन् ।
खबर पढेर तपाईलाई कस्तो महसुस भयो ?
मन पर्यो (१००%)
मन परेन (०%)
तटस्थ (०%)
रिस उठ्यो(०%)
प्रतिक्रिया दिनुहोस्