काठमाडौं । हास्य टेलिसिरियल सक्किगोनी टिमले ´लाज शरणम्` नामक चलचित्र निर्माण गर्ने भएको छ । केहि समयदेखि उक्त टिम चलचित्र लेखनमा ब्यस्त छ ।

पहिलो चरणको चलचित्र लेखनको कार्य समाप्त भएसंगै टिमले बुधबार बेलुकी बसन्त पञ्चमी र प्रेम दिवसको अवसर पारेर एक पोष्टर मार्फत चलचित्रको नाम सार्वजनिक गरेको छ ।

सामाजिक कथाबस्तुमा निर्माण हुनलागेको उक्त चलचित्र आगामी बर्षसम्म रिलिज हुने र सो चलचित्रमा हाल सक्किगोनीमा अभिनय गरिरहेका कलाकारहरु लगायत अन्य बाहिरी कलाकारहरु समाबेश हुने साथै चलचित्रको बारेमा बिस्तृत जानकारी क्रमश गराउदै जाने सक्किगोनिका निर्देशन, लेखक तथा कलाकार कुमार कट्टेल ´जिग्री` बताउछन ।

हास्य टेलिसिरियल भद्रगोल मार्फत अभिनय यात्रामा होमिएको सोही टिमले सक्किगोनी सम्म आईपुग्दा कलाकारितामा करिब एक दशक समय बिताईसकेको छ ।

प्रतिक्रिया दिनुहोस्