काठमाडौं । नेकपा माओवादी केन्द्रले कांग्रेस र एमाले मिलेर सरकार बनाउने कुरा पश्चगमनतिर जाने संकेत रहेको निष्कर्ष निकालेको छ ।

माओवादीका प्रवक्ता एवं उपाध्यक्ष अग्निप्रसाद सापकोटाले काँग्रेस र एमाले मिलेर सरकार बनाउने कुरा अग्रगमनतिर भन्दा पश्चगमनतिर जाने संकेत देखा परेको बताए ।

‘देशका पहिलो र दोस्रो ठूलो पार्टी मिलेर बन्ने भन्ने कुरा नै प्राकृतिक जस्तो लाग्दैन । बाहिर कुरा आइरहेको छ, संविधान संशोधनसम्मका कुरा छन्,’ उनले भने,‘संविधान संशोधनमा पनि समानुपातिकका कुरा छन् । अग्रगमनतिर भन्दा पश्चगमनतिर जाने संकेत देखा परेको छ । यो बेठिक छ ।’

उनले देशका पहिलो र दोस्रो ठूलो पार्टी मिलेर बन्ने भन्ने कुरा नै प्राकृतिक नभएको जिकिर गरे ।

प्रतिक्रिया दिनुहोस्