काठमाडौं । नेपाल पत्रकार महासंघका अध्यक्ष विपुल पोख्रेलले राजीनामा दिएका छन् । उनले सोमबार महासंघका बरिष्ठ उपाध्यक्ष रमेश विष्ट समक्ष राजीनामा दिएका हुन् ।

यी सबै कारणहरुले गर्दा निर्वाचन गराउन समर्थ नरहेको उनले बुझाएको राजीनामा पत्रमा उल्लेख  छ । उनले सबै कमीकमजोरीको नैतिक जिम्मेवारी समेत लिएका छन् ।

‘बाह्य सरोकारवाला पक्षहरूले समेत सदस्यतासूची आफूलाई देखाएर मात्र अघिबढ्नु पर्ने अपेक्षा अझै पनि कायम राखिराख्दा मन खिन्न हुन गएको छ । यस्तो अवस्थाबाट म मा निर्मित मनोविज्ञान बोकेर यो निर्वाचनलाई सम्पन्न गर्न म समर्थ छैन’,उनले बरिष्ठ उपाध्यक्ष विष्ट समक्ष बुझाएको राजीनामा पत्रमा भनिएको छ ।

‘मेरो मानसिक तनाव र शारीरिक स्वास्थ्य अवस्था समेत सहज रूपमा काम गर्न सक्ने अवस्थामा छैन । तसर्थ विधानले प्रदान गरेको अध्यक्षको सम्पूर्ण (आर्थिक समेत) जिम्मेवारी बहन गर्ने गरी कार्यवाहक अध्यक्षका रूपमा जिम्मेवारी दिँदै आजैका मितिदेखि लागुहुने गरी अध्यक्ष पदबाट राजीनामा दिएको छु’,उनको राजीनामापत्रमा भनिएको छ ।

महासंघका अध्यक्षले राजीनामा दिएपछि पछिल्लो पटक असोज ५ गतेका लागि तोकिएको निर्वाचन हुने/नहुने अन्यौल भएको छ ।

प्रतिक्रिया दिनुहोस्