काठमाडौँ । सञ्चार तथा सूचना प्रविधिमन्त्री तथा सरकारका प्रवक्ता पृथ्वीसुब्बा गुरुङले सरकारको आलोचना गर्न पत्रकारहरूलाई आग्रह गरेका छन् ।
बुधवार नेपाल पत्रकार महासंघले दसैँ, तिहार, छठ पर्व र नेपाल संवत् ११४५ को अवसरमा आयोजना गरेको चियापान तथा शुभकामना आदानप्रदान कार्यक्रममा बोल्दै मन्त्री गुरुङले पत्रकारहरूलाई सरकारको स्वस्थ आलोचना गर्न आग्रह गरेका हुन् ।
उनले पत्रकारको आलोचनाले सरकारलाई लोकतान्त्रिक बाटो हिँड्न मद्दत गर्ने बताए । उनले पत्रकारको आलोचनाले मन्त्रीहरूले गलत काम गर्न रोक्ने भन्दै त्यो भुमिका निभाउन पत्रकारहरूलाई आग्रह गरे ।
उनले सरकारले पत्रकारहरूबाट आलोचनाको अपेक्षा राखेको बताए । आलोचना सुन्ने क्षमता राख्नेले कहिल्यै पनि कमजोर काम नगर्ने उनको भनाई छ ।
उनले पत्रकारहरूले सरकारको आलोचना गरे सरकार निरंकुशताको बाटो नलाग्ने बताए ।
खबर पढेर तपाईलाई कस्तो महसुस भयो ?
रातोपाटी न्यूज 
प्रतिक्रिया दिनुहोस्