रातोपाटीन्यूज, सिन्धुपाल्चोक । बलेफी गाउँपालिका–८ लामोसाँघुमा शुक्रवार आयोजित खुल्ला रक्तदान कार्यक्रममा ६५ जनाले रक्तदान गरेका छन् ।

सुनकोशी–इन्द्रावती समाज सिन्धुपाल्चोकको संयोजनमा युथ स्पोर्टस क्लब लामोसाँघु र बलेफी गापा–८ को आयोजनामा उक्त रक्तदान सम्पन्न भएको छ ।

रक्तदान कार्यक्रममा ४३ जना पुरुष र २२ जना महिलाले रक्तदान गरेको युथ स्पोर्टस क्लबका अध्यक्ष तथा सिन्धुपाल्चोक उद्योग वाणिज्य संघका बरिष्ठ उपाध्यक्ष उमेश प्रधानले जानकारी दिनुभयो । स्थानीय महिला, पुरुषहरुले रक्तदान गरेका थिए । रगत अभावले कुनै पनि बिरामी मृत्युको मुखमा पुग्न नपरोस् भन्ने उद्धेश्यले रक्तदान कार्यक्रम गरिएको समाजसेवी समेत रहनु भएका प्रधानले बताउनुभयो ।

नेपाल रेडक्रस सोसाइटी जिल्ला शाखा भक्तपुरको प्राबिधिक सहयोग र नेपाल रेडक्रस सोसाइटी जिल्ला शाखा सिन्धुपाल्चोकले सो रक्तदानमा सहयोगको भूमिका निर्वाह गरेको सुनकोशी–इन्द्रावती समाजका अध्यक्ष तथा कांग्रेसका पूर्व जिल्ला सभापति भूपेन्द्र बहादुर थापाले बताउनु भयो । उक्त समाजले सिन्धुपाल्चोक, भक्तपुरदेखि दर्जनौ जिल्लामा रक्तदान कार्यक्रम गर्दै आईरहेको थापाले बताए ।

प्रतिक्रिया दिनुहोस्