रातोपाटी न्यूज 
काठमाडौँ । त्रिभुवन अन्तर्राष्ट्रिय विमानस्थलमा एक युवकमाथि दुर्व्यवहार गर्ने तीन प्रहरीलाई कारबाही गरिएको छ ।
वैदेशिक रोजगारीबाट बिदामा फर्किएका युवामाथि दुर्व्यवहार गर्ने तीन जना प्रहरीलाई आज जिम्मेवारीबाट हटाइएको हो ।
प्रहरी वरिष्ठ उपरीक्षक तथा प्रवक्ता एसएसपी शेखर खनालका अनुसार काठमाडौँ उपत्यका प्रहरी कार्यालय, रानीपोखरीले उनीहरूलाई कारबाही गरेको हो ।
हाल काठमाडौँ उपत्यका प्रहरी कार्यालयमा झिकाएर छानबिन तथा अनुसन्धान भइरहेको छ ।
गत ३१ चैतमा दुबईबाट काठमाडौँ आएका मोरङका सञ्जय ओझा दुर्व्यवहारमा परेका थिए ।
विमानस्थलको अध्यागमन र भन्सार जाँच पार गरिसकेपछि प्रहरीले उनीमाथि दुर्व्यवहार गरेको थियो । पछि उक्त भिडिओ सामाजिक सञ्जालमा भाइरल बन्यो ।
ओझाका अनुसार विमानस्थलबाहिर निस्किँदै गर्दा एक कर्मचारीले उनलाई ट्रली बाहिर ल्याएको विषयमा गालीगलौज गर्यो । त्यस्तो व्यवहार गरेपछि उनले प्रहरीलाई बोलाए तर, प्रहरीले उनैमाथि थप दुर्व्यवहार गरेका थिए ।
खबर पढेर तपाईलाई कस्तो महसुस भयो ?
मन पर्यो (१००%)
मन परेन (०%)
तटस्थ (०%)
रिस उठ्यो(०%)
प्रतिक्रिया दिनुहोस्