नेपालमै विकास गरिएको एप ‘Roshan Shrestha App’ ले हालै एउटा ऐतिहासिक उपलब्धि हासिल गरेको छ। SimilarWeb को तथ्याङ्कअनुसार यो एप अहिले नेपालमा सबैभन्दा बढी डाउनलोड तथा प्रयोग हुने न्यूज श्रेणीको एप बनेको छ।

न केवल नेपालमा, यो एप हाल संयुक्त अरब इमिरेट्स, साउदी अरेबिया, कतार, मलेसिया, रोमानिया लगायतका देशहरूमा पनि तीव्र गतिमा माथि चढिरहेको देखिन्छ।

एन्ड्रोइडको Google Play Store मा यो एप ‘News & Magazines’ श्रेणीमा नेपालमा #1 स्थानमा पुगेको छ भने Apple App Store मा पनि नेपाली प्रयोगकर्तामाझ यो एप लगातार #1 स्थानमा रहेको छ।

युएईमा यसले #2 स्थान हासिल गर्‍यो, साउदी अरेबियामा #3, मलेसियामा #4 र रोमानियामा एकैपटक 116 स्थान उकालो चढ्दै #15 स्थानमा पुगेको देखिन्छ। यसैगरी कतार, बहराइन, कुवेतजस्ता देशहरूमा पनि यो एप उल्लेखनीय स्थानमा रहेको छ।

Roshan Shrestha App को यस्तो उचाइमा पुग्नु सामान्य कुरा होइन, किनभने यो एप कुनै ठूला प्रविधि कम्पनी वा संस्थागत लगानीमा आधारित नभइ स्वतन्त्र पत्रकार रोशन श्रेष्ठको व्यक्तिगत पहल र सानो टिमको योगदानमा तयार गरिएको हो।

एपको मूल उद्देश्य भनेको नेपाली प्रयोगकर्तालाई विश्वसनीय, विज्ञापनरहित, निःशुल्क डिजिटल सेवा दिने हो — जुन उद्देश्य सफलतापूर्वक पूरा भइरहेको छ। यो एप प्रयोगकर्तालाई बिना कुनै विज्ञापन, बिना सदस्यता, बिना अनावश्यक अनुमति दिन आग्रह नगरी सेवा प्रदान गर्छ।

एपमा भएका २४ वटा सुविधामध्ये करिब ८०% सेवा Offline मा नै प्रयोग गर्न मिल्ने छन्, जसले नेपालको दूरदराज क्षेत्रमा इन्टरनेटको पहुँच नपुगेका प्रयोगकर्तालाई समेत प्रत्यक्ष लाभ दिएको छ। एपमा रहेका सेवाहरूमध्ये सबैभन्दा चर्चित सुविधा भनेको १९ वटा देशको भिसा स्थिति जाँच गर्ने सेवा हो, जसले कोरिया, जापान, युएई, कुवेत, कतार, इजरायलजस्ता मुलुकमा जान चाहने नेपालीहरूलाई सहज बनाएको छ।

यसका साथै, यो एपमा नेपाली पात्रो, तिथि रूपान्तरण, नेपाली र अंग्रेजीमा सत्यापित समाचार, सरकारी सेवा पोर्टलहरूको लिङ्क, श्रम सेवा जानकारी, डलर दर, नेप्से सूचकांक, Facebook र YouTube मा कमाई र SEO सम्बन्धी टिप्स, EMI, SIP, VAT, Interest जस्ता गणना उपकरणहरू, रक्तसम्बन्धी जानकारी, गर्भावस्था गणना, महिनावारी ट्र्याकिङ, प्रेरणादायी सन्देशहरू, जग्गा मापन, Family Tree, र AI सहायक RoshanGPT समेत उपलब्ध छन्।

यी सबै सेवा १००% निःशुल्क छन् र कुनै पनि विज्ञापन वा ‘premium’ unlock जस्ता झन्झटहरू छैनन्। खासगरी प्रवासमा रहेका नेपालीहरूले यो एपको प्रयोग गरी आफूलाई आवश्यक पर्ने डिजिटल जानकारी सहज तरिकाले पाउँदै आएका छन्।

Roshan Shrestha App ले देखाएको यस्तो उल्लेखनीय सफलता केवल एउटा एपको कथा होइन, यो नेपाली प्रविधि क्षेत्रको एउटा आत्मनिर्भरताको प्रतीक हो। रोशन श्रेष्ठ जस्ता स्वतन्त्र पत्रकारले नेपालमै बसेर विश्वस्तरको डिजिटल समाधान तयार पार्न सकिन्छ भन्ने कुरा प्रमाणित गरेका छन्।

नेपालको डिजिटल विकासमा यो एपको योगदान निकै प्रेरणादायी बनिरहेको छ, र भविष्यमा यो एपले अझ विस्तारित सेवा र अन्तर्राष्ट्रिय स्तरको पहिचान बनाउन सक्ने प्रबल सम्भावना देखिएको छ।

प्रतिक्रिया दिनुहोस्