काठमाडौं । सरकारले नेपाल विद्युत् प्राधिकरण (नेपाले) का कार्यकारी निर्देशक हितेन्द्रदेव शाक्यको सरुवा गरेको छ ।

आइतबार बसेको मन्त्रिपरिषद् बैठकले उनको स्थानमा पूर्व उपकार्यकारी निर्देशक मनोज सिलवाललाई नयाँ कार्यकारी निर्देशक नियुक्त गर्ने निर्णय गरेको हो ।

ऊर्जा, जलस्रोत तथा सिंचाई मन्त्रालयको सिफारिसमा शाक्यलाई हटाइएको हो । मनोज सिलवाल लामो समयदेखि प्राधिकरणभित्र प्राविधिक र प्रशासनिक अनुभव बटुलेका अधिकृत मानिन्छन् ।

सिलवाललाई आगामी दिनमा विद्युत् उत्पादन, वितरण, तथा निर्यात सम्बन्धी दीर्घकालीन रणनीति कार्यान्वयनमा प्रभावकारी भूमिका खेल्न सरकारको अपेक्षा रहेको छ ।

प्रतिक्रिया दिनुहोस्