रातोपाटी न्यूज 
काठमाडौं । नेपाल क्रिकेट संघ (क्यान) ले ओमानमा आयोजना हुने आईसीसी पुरुष टि–२० विश्वकप एसिया तथा ईएपी छनोट प्रतियोगिताका लागि १५ सदस्यीय नेपाली टोली घोषणा गरेको छ ।
घोषित टोलीको कप्तानी रोहित कुमार पौडेलले गर्नेछन् भने उपकप्तानको जिम्मेवारी दिपेन्द्रसिंह ऐरीलाई दिइएको छ ।
पछिल्लो युनिटी कपमा समावेश साहब आलमलाई बाहिर राखेर यसपटक टोलीमा स्पिनर सन्दीप लामिछानेलाई फर्काइएको छ । अन्य खेलाडीहरू यथावत रहेका छन् ।
नेपाली टोलीको सूचीः
- रोहित कुमार पौडेल (कप्तान)
- दिपेन्द्रसिंह ऐरी (उपकप्तान)
- सन्दीप लामिछाने
- आसिफ शेख
- कुशल भुर्तेल
- सोमपाल कामी
- करण केसी
- कुशल मल्ल
- नन्दन यादव
- मोहम्मद अदिल आलम
- सन्दीप जोरा
- आरिफ शेख
- ललित राजबंशी
- गुल्सन झा
- लोकेश बम
यस टोलीमा अनुभव र युवा ऊर्जा दुबैको संयोजन गरिएको छ । बलिङतर्फ सन्दीप लामिछाने, सोमपाल कामी, करण केसी, गुल्सन झाजस्ता भरपर्दा बलर छन् भने ब्याटिङ विभागमा कुशल भुर्तेल, आसिफ शेख, कुशल मल्लजस्ता आक्रमक खेलाडी छन् ।
नेपालले यो छनोट प्रतियोगितामा उत्कृष्ट प्रदर्शन गर्दै आगामी टि–२० विश्वकपको यात्रा सुनिश्चित गर्ने लक्ष्य लिएको छ ।
खबर पढेर तपाईलाई कस्तो महसुस भयो ?
मन पर्यो (१००%)
मन परेन (०%)
तटस्थ (०%)
रिस उठ्यो(०%)
प्रतिक्रिया दिनुहोस्