काठमाडौं । सर्वोच्च अदालतमा प्रतिनिधिसभा विघटनविरुद्धको रिट पेस हुन थालेको छ ।

सर्वोच्च अदालतका प्रवक्ता अर्जुनप्रसाद कोइरालाकाअनुसार अहिलेसम्म पाँचवटा रिट आइसकेको छ । ती सबै दर्ताका लागि अध्ययनको क्रममा रहेका छन् ।

अधिवक्ता डा. प्रेमराज सिलवाल, अधिवक्ता कृतिनाथ शर्मा पौडेल, युवराज सफल पौडेल, विपना र आयुष र नागरिक अभियानका मकबुल मियाले रिट पेस गरेका छन् ।

गत भदौ २३ र २४ गते जेनजी युवा प्रदर्शनका कारण केपी शर्मा ओली नेतृत्वको सरकार ढलेपछि प्रतिनिधिसभा विघटन भएको थियो । त्यसपछि जेनजी युवा प्रतिनिधिको सिफारिसमेतको आधारमा पूर्वप्रधानन्यायाधीश सुशीला कार्की असोज २७ गते अन्तरिम सरकार प्रमुख नियुक्त भएकी थिइन् । उनी नेतृत्वको सरकारले २१ फागुनमा आमनिर्वाचन गराउने जिम्मेवारी पाएको छ ।

प्रतिक्रिया दिनुहोस्