काठमाडौँ । नवनियुक्त दुई मन्त्रीले शपथ लिएका छन् ।

डा. सुधा गौतम र बब्लु गुप्ताले मन्त्रीको शपथ लिएका हुन् ।

प्रधानमन्त्री सुशीला कार्कीले आइतबार बिहान मन्त्रीमण्डल विस्तारको लागि मन्त्रीको नाम राष्ट्रपतिसमक्ष सिफारिस गरेका थिए । मन्त्रीमण्डलमा चार जनाको नाम सिफारिस भए पनि विवादका कारण दुई जनाको मात्रै आइतबार शपथ भएको हो ।

प्रधानमन्त्री कार्कीले गणपतिलाल श्रेष्ठलाई भूमि व्यवस्था, सहकारी तथा गरिबी निवारण र खगेन्द्र सुनारलाई श्रम, रोजगार तथा सामाजिक सुरक्षा मन्त्रीमा सिफारिस गरेका थिए । उनीहरूको भने शपथ रोकिएको हो ।

यसअघि प्रधानमन्त्री कार्कीले ७ जना मन्त्री नियुक्त गरिसकेकी छन् । नवनियुक्त मन्त्रीहरूको शपथग्रहण कार्यक्रममा उपराष्ट्रपति रामसहाय यादव, प्रधानमन्त्री कार्की, प्रधानन्याधीश प्रकाशमानसिंह राउत, सभामुख देवराज घिमिरे, नेपाल सरकारका मन्त्री लगायत उच्चपदस्थ व्यक्तित्वहरूको सहभागिता रहेको छ ।

प्रतिक्रिया दिनुहोस्