रातोपाटी न्यूज 
काठमाडौं । नेपाली कांग्रेसका महामन्त्री गगन कुमार थापाले अब विशेष महाधिवेशनकाृ विकल्प नरहेको बताएका छन् ।
वर्तमान सभापतिकै नेतृत्व र हस्ताक्षरमा आगामी निर्वाचनमा जाने भ्रम फैलाउन खोजिएको भन्दै उनले अलमलमा नपर्न आग्रह गरेका छन् ।
आफूलाई धेरैले ‘ पार्टीले वर्तमान सभापतिज्यूकै हस्ताक्षरमा चुनाव लड्ने भएको हो ? भनेर सोधिरहेको उल्लेख गर्दै थापाले त्यसको स्पष्ट उत्तर ‘होइन’ भएको बताए ।
उनका अनुसार पार्टी विधानअनुसार निर्धारित समयमा विशेष महाधिवेशन आह्वान गरी नयाँ सभापति चयन हुनेछन् ।
त्यही नयाँ सभापतिको हस्ताक्षरमा पार्टीका निर्णयहरू संशोधन हुँदै निर्वाचन आयोगमा पुग्ने र कांग्रेस आगामी चुनावमा सहभागी हुने उनले स्पष्ट पारे । थापाले भने ‘अब विशेष महाधिवेशनको विकल्प छैन । कुरा प्रष्ट छ, अलमलमा नपरौँ ।’
खबर पढेर तपाईलाई कस्तो महसुस भयो ?
मन पर्यो (१००%)
मन परेन (०%)
तटस्थ (०%)
रिस उठ्यो(०%)
प्रतिक्रिया दिनुहोस्