नेपाली सेनाका २९८८ कर्मचारीमा काेरोना संक्रमण
काठमाडौं । नेपाली सेनाका थप १९ जना सुरक्षाकर्मी तथा कर्मचारीमा कोरोना भाइरसको संक्रमण देखिएको छ ।
सैनिक जनसम्पर्क तथा सूचना निर्देशनालयका अनुसार देशका विभिन्न ठाउँमा गरी पछिल्लो २४ घण्टामा थप १९ जना सुरक्षाकर्मी तथा कर्मचारीमा कोरोना भाइरसको संक्रमण देखिएको हो ।
थप १९ जनासहित कोरोना संक्रमित हुने सैनिक कर्मचारीको संख्या २ हजार ९ सय ८८ पुगेको छ । हालसम्म १ हजार ५ सय १८ जना सैनिक कर्मचारी कोरोना संक्रमणबाट मुक्त भएका छन् ।
देशका विभिन्न ठाउँमा गरी अझै १ हजार ४ सय ६८ सैनिक कर्मचारी सक्रिय संक्रमित छन् । कोरोना भाइरसको संक्रमणबाट हालसम्म २ जना सैनिक कर्मचारीको मृत्यु भएको छ ।
