नेपालमा कोरोनाका कारण अहिलेसम्म ७ सय २७ जनाको मृत्यु
काठमाडौं । पछिल्लो २४ घन्टामा नेपालमा थप १२ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार देशका विभिन्न अस्पतालहरुमा थप १२ जना कोरोना संक्रमितको मृत्यु भएको हो ।
यससँगै नेपालमा कोरोनाका कारण अहिलेसम्म ७ सय २७ जनाको मृत्यु भएको छ । पछिल्लो २४ घन्टामा नेपालमा थप ३ हजार १ सय ६७ जनामा कोरोना संक्रमण देखिएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशका विभिन्न प्रयोगशालामा गरिएको परीक्षणका क्रममा आज थप ३ हजार १ सय ६७ जनामा संक्रमण पुष्टि भएको हो ।
यससँगै नेपालमा कोरोना संक्रमितको संख्या १ लाख २९ हजार ३ सय ४ जना पुगेको मन्त्रालयले जनाएको छ ।
