बैतडीको झुलाघाट नाका ५ दिनका लागि खोलिने
वलदेवसिहं नायक, सूदुरपश्चिम प्रदेश व्यूरो । बैतडीको झुलाघाट नाका ५ दिनका लागि खोलिने भएको छ ।
कोरोना महामारीका कारण लामो समयदेखि सीमानाका बन्द हुदा भारतीय पेन्सनरहरु समस्यामा परेपछि स्थानिय प्रशासनको समन्वयमा अगामी सोमबारदेखि शुक्रबारसम्मका लागी नाका खोलिने सहमती भएको जिल्ला प्रशासन कार्यालय बैतडीले जानकारी दिएको छ ।
नेपाल सरकार मन्त्रि परिषदको निर्णय एबंम जिल्ला प्रशासन कार्यालय बैतडी र जिल्ला अधिकारीको कार्यालय पिथौरागढको समन्वयमा ५ दिनका लागी नाका खोल्ने सहमती भएको बैतडीका सहायक प्रमुख जिल्ला अधिकारी लोकेन्द्र सिह नेगीले जानकारी दिनुभएको छ ।
मिति तय गरिएको भए पनि कति बजे देखि कति बजे सम्म नाका खोल्ने भन्ने बिषय टुंगो लागी नसकेको उहाँको भनाई छ । लामो समयदेखि नाका बन्द हुदा बैतडीका भारतीय पेन्सनरहरु पेन्सन बुझ्नबाट बञ्चित भएका छन ।
