आज देखि कक्षा १२ को परीक्षा सुरु, बैतडीबाट ३ हजार बढी बिद्यार्थी सहभागी
बल्देब सिह नायक, बैतडी । कक्षा १२ को परीक्षा आज मगंलबार सुरु भएको छ ।
गएको वैशाख ८ गतेदेखि सञ्चालन हुनुपर्ने परीक्षा कोरोना सङ्क्रमण जोखिमका कारण पछाडी धकेलिएको थियो ।
आज परिक्षाको पहिलो दिन अङग्रेजी बिषयको परीक्षा सञ्चालन भएको छ ।
यो बर्षको कक्षा १२ को परीक्षामा बैतडीबाट ३ हजार ३ सय ३६ जना बिद्यार्थीहरु सहभागी भएका छन ।
जसमा १ हजार ४ सय ३१ जना प्राईभेट र १ हजार ९ सय ५ जना नियमित तर्फका बिद्यार्थीहरु रहेको शिक्षा बिकास तथा समन्वय ईकाई बैतडीका प्राबिधिक सहायक राम चन्द्र भट्टले जानकारी दिनुभएको छ ।
जिल्ला भरिमा ६१ ओटा परीक्षा केन्द्रहरु तोकिएको छ ।
