बैतडी: कांग्रेसको बिरोधसभामा झडप, आधा दर्जन बढि घाइते
बैतडीमा नेपाली कांग्रेसको विरोध सभामा झडप भएको छ । जिल्लाको डिलाशैनि गाउँपालिका वडा न. ३ पंसेरामा आयोजित बिरोधसभामा केहि ब्यक्तिले एक्कासी ढुंगामुडा प्रहार गरेपछि झडप भएको हो ।
डिलाशैनि गाउँपालिकाको केन्द्र पंसेरामै हुनुपर्ने माग गर्दै नारा लगाएका १०–१५ जनाको समुहले आक्रमण गर्दा झडपमा आधा दर्जन बढि ब्यक्ति घाइते भएका छन् ।
आइतबार कांग्रेसमा प्रबेश गरेका जयराज भट्टले भाषण गरिरहेका बेला कालो झण्डा सहित माइकमा बोल्दै आएका ब्यक्तिहरुले ढुंगामुढा प्रहार गरेको नेपाली कांग्रेस जिल्ला कार्यसमिति आमन्त्रित सदस्य राजेन्द्र बिष्टले बताउनुभयो ।
ढुंगामुढा प्रहारबाट कांग्रेस नेता एनपी साउदको पेटमा सामान्य चोट लागेको छ । उक्त सभामा नेपाली कांग्रेसकी नेतृ डिला सङ्ग्रौला र नैनसिंंह महरलगायतको सहभागीता रहेको थियो ।
घटनाको अनुसन्धानका लागि जिल्ला प्रहरी कार्यालय बैतडीको टोली घटनास्थल पुगेको छ ।
