लामो दुरीका सवारी साधन असोज १ गतेदेखि नै चलाउन दिने सरकारको निर्णय

काठमाडौं । सरकारले असोज १ गतेदेखि नै लामो दुरीका यातायातका साधनहरु सञ्चालनमा ल्याउने निर्णय गरेको छ ।

सोमबार बसेको मन्त्रिपरिषदको बैठकले स्वास्थ्य सुरक्षाको मापदण्ड पालना गर्दै असोज १ गतेदेखि नै लामो दुरीका यातायातका साधन सञ्चालन गर्न दिने निर्णय गरेको हो ।

साथै, व्यवसायीले साविकको भाडादरमा ५० प्रतिशत बढाएर लिन सक्ने पनि निर्णय गरेको छ ।

मन्त्रिपरिषदको बैठकका निर्णय सार्वजनिक गर्दै परराष्ट्र मन्त्री प्रदीप ज्ञवालीले संक्रमणको जोखिम बढेको अवस्थामा स्थानीय प्रशासनले आवश्यक निर्णय लिन सक्ने पनि बताए ।

यसअघि, सोमबार बसेको मन्त्रिपरिषद बैठकले असोज ५ गतेदेखि लामोदुरीका सवारीका साधनहरु सञ्चालन गर्न दिने निर्णय गरेको विषय सार्वजनिक भएको थियो ।

तर, मंगलबार निर्णय सार्वजनिक गर्दै मन्त्री ज्ञवालीले असोज १ गतदेखि नै यातायात सञ्चालन गर्न दिने निर्णय भएको जानकारी दिए ।

Related Articles

Leave a Reply

Your email address will not be published. Required fields are marked *