कर्तव्य खरो निर्वाह गर्ने कुलमान देशको आदर्श बनेका छन्’: पूर्व प्रधानमन्त्री डा. भट्टराई

जनता समाजवादी पार्टी, नेपालका वरिष्ठ नेता तथा पूर्व प्रधानमन्त्री डा. बाबुराम भट्टराईले नेपाल विद्युत् प्राधिकरणका निवर्तमान कार्यकारी निर्देशक कुलमान घिसिङ देशको आदर्श व्यक्ति बनेका बताए ।

भट्टराईले मंगलबार साझ ट्वीटमा कुलमान विदाईको आफ्नो तीन अनुभूति लेख्नुहुँदै देशमा आदर्श पात्रको खडेरी भएकाे पनि बताए । उनले लेखेका छन – ‘देशमा आदर्श पात्रको यस्तो खडेरी छ कि कर्तव्य खरो निर्वाह गर्ने कुलमान देशको आदर्श बनेका छन् ।’

प्राधिकरणको चार वर्ष नेतृत्व सम्हाल्नु भएकाे कुलमानलाई मंगलबार कार्यक्रम गरी औपचारिक रूपमै विदाइ गरिएको हो। उहाँकाे पदावधि भदौ २९ गते सकिएको थियो । सरकारले उहाँको पुनर्नियुक्ति गर्ने चर्चा चले पनि अहिलेसम्म गरेको छैन ।

भट्टराईले भ्रष्ट आसेपासेलाई संरक्षण गर्ने सरकारले इमान्दार र सक्षम कुलमानलाई पुनर्नियुक्ति नगरेको ओरोप पनि लगाए । ‘भ्रष्ट आसेपासेलाई संरक्षण गर्ने सरकारले इमान्दार/सक्षम कुलमानलाई पुनर्नियुक्ति गरेन,’ भट्टराईले ट्वीटमा लेखेका छन् ।

एकल जातीय बर्चस्व रहेको राज्यले उत्पीडित जातिमा जन्मेका कुलमानलाई नपचाएको समते भट्टराईले बताए । उनले लेखेका छन – ‘एकल जातीय बर्चस्व रहेको राज्यले उत्पीडित जातिमा जन्मेका कुलमानलाई पचाएन !

Related Articles

Leave a Reply

Your email address will not be published. Required fields are marked *

Check Also

Close