![](https://ratopatinews.com/wp-content/uploads/2024/07/Bishnu-Paudel.jpg)
काठमाडौं– नेकपा एमालेका उपाध्यक्ष विष्णु पौडेलले मन्त्रिपरिषद्मा केही करेक्सन गर्नुपर्ने भएकाले साना दललाई पनि कांग्रेस-एमाले सरकारमा सँगै लग्नुपरेको बताएका छन् ।
उनले राष्ट्रियलाई केही दलको बाहेक सबैको खाँचो भएकाले साना दलालाई पनि साथमा लिएर राष्ट्रिय सहमतिका लागि कांग्रेस एमाले अभिभावक हुनुपर्ने दाबी गरे ।
उनले भने, ‘कसलाई कति मन्त्रालय हुने भन्ने फाइनल भएको छैन । साना दललाई पनि सँगै लानुपर्ने भएकाले कांग्रेस एमालेको सहमतिमा केही कुरा कम्प्रोमाइज गर्नुपर्ने छ । कांग्रेस एमालेले समान मन्त्रालय लिएर अरूलाई सिट सङ्ख्या अनुसार सहभागी गराउनुपर्ने समझदारी छ ।’
उनले शनिबार बेलुका वा आइतबार बिहानसम्ममा एक खालको खाका आउने दाबी गरे ।
उनले अगाडि भने, ‘कुन–कुन दल समावेश हुने त्यो अनुसार छलफल गरेर अगाडि बढ्छौँ । दुई दलले गरेको सहमतिमा केही कुरा सुधार गरेर अन्य दललाई समेट्ने छौँ ।’
कांग्रेस एमाले सरकारलाई, नेकपा माओवादी केन्द्र, नेकपा एकीकृत समाजवादी र राष्ट्रिय स्वतन्त्र पार्टीले खुलेर साथ दिएका छैनन् । कांग्रेस एमालेले २ सय ७ भन्दा बढी संसद्को समर्थन नयाँ सरकारलाई हुने दाबी गरिरहेको छ । पौडेल एमालेबाट अर्थमन्त्री हुने बलियो सम्भावना छ ।
खबर पढेर तपाईलाई कस्तो महसुस भयो ?
मन पर्यो (१००%)
मन परेन (०%)
तटस्थ (०%)
रिस उठ्यो(०%)
प्रतिक्रिया दिनुहोस्