images
images
  • Latest Update

    Trending

    सुदूरपश्चिम प्रदेश सभामा ३१ अर्ब ६२ करोडको बजेट प्रस्तुत (पूर्णपाठ)

    काठमाडौं – सुदूरपश्चिम प्रदेश सभामा ३१ अर्ब ६२ करोड रुपैयाँको बजेट प्रस्तुत भएको छ ।

    प्रदेश सरकारका आर्थिक मामिलामन्त्री सुरेन्द्रबहादुर पालले आगामी आर्थिक वर्ष २०८१/०८२ का लागि ३१ अर्ब ६२ करोड ९८ लाख २८ हजार रुपैयाँ बराबरको बजेट प्रस्तुत गरेका हुन्‌ ।

    मन्त्री पालले चालूतर्फ ११ अर्ब ७ करोड १९ लाख ६३ हजार, पूँजीगततर्फ १७ अर्ब ५३ करोड ८ लाख ५५ हजार, अन्तर सरकारी वित्तीय हस्तान्तरणतर्फ दुई अर्ब ९२ करोड र वित्तीय व्यवस्थातर्फ १० करोड रुपैयाँ विनियोजन गरेका छन्‌ ।

    अधिकांश प्रदेशको बजेट आकार घट्दा सुदूरपश्चिम प्रदेश सरकारले भने बढाएको छ । प्रदेश सरकारले चालु आर्थिक वर्षका लागि २९ अर्ब २६ करोड रुपैयाँ बराबरको बजेट ल्याएको थियो । चालू आर्थिक वर्षको तुलनामा आगामी बजेट आकार २ अर्ब ३६ करोड रुपैयाँभन्दा बढी हो ।

    मन्त्री पालले प्रदेशमा आगामी आर्थिक वर्षभित्र एक अर्ब ६० लाख १५ हजार राजस्व उठाउने लक्ष्य लिएका छन्‌ । संघीय सरकारको राजश्व बाँडफाँडतर्फ ९ अर्ब ९९ करोड, संघीय रोयल्टीबाट चार करोड ४० लाख, वित्तीय समानीकरण अनुदान आठ अर्ब ७२ करोड २७ लाख, चालु वर्षको बजेटबाट बचत हुने ६ अर्ब १५ करोड, संघीय सरकारले दिने सर्शत अनुदानतर्फ तीन अर्ब १३ करोड, समपूरक अनुदान एक अर्ब ४२ करोड र विशेष अनुदान ५५ करोड रुपैयाँ हुने प्रदेश सरकारको अनुमान छ ।

    अन्य प्रदेशमा जस्तै सुदूरपश्चिममा पनि आगामी बजेटको केन्द्रमा भौतिक पूर्वाधार विकासलाई नै राखिएको छ । पूर्वाधार विकासतर्फ मन्त्री पालले १३ अर्ब ३५ करोड रुपैयाँ बजेट विनियोजन गरेका हुन्‌ ।

    प्रदेश सरकराले भूमि, कृषि र सहकारी क्षेत्रमा ३ अर्ब ९ करोड, उद्योग/पर्यटन र वनतर्फ २ अर्ब ४ करोड र शिक्षा/स्वास्थ्य तथा खेलकुद क्षेत्रका लागि ६ अर्ब ७४ करोड रुपैयाँ बजेट छुट्याएको जानकारी दिएको छ ।

    बजेट पूर्णपाठ:

    खबर पढेर तपाईलाई कस्तो महसुस भयो ?

    मन पर्‍यो (१००%)

    मन परेन (०%)

    तटस्थ (०%)

    रिस उठ्यो(०%)

    प्रतिक्रिया दिनुहोस्