रातोपाटी न्यूज 
काठमाडौं । नवनियुक्त शिक्षा मन्त्री रघुजी पन्तले बिहीबार सपथ ग्रहण गरेका छन् ।
बुधवार नियुक्त भएका शिक्षा, विज्ञान तथा प्रविधिमन्त्री पन्तले आज शीतलनिवासमा राष्ट्रपति रामचन्द्र पौडेलद्वारा सपथ ग्रहण गरेका हुन् ।
पूर्व शिक्षामन्त्री विद्या भट्टराईले वैशाख ८ गते पदबाट राजीनामा दिएपछि प्रधानमन्त्रीले पन्तलाई शिक्षामन्त्री बनाएका हुन् ।
समानुपातिक प्रणालीबाट प्रतिनिधिसभामा निर्वाचित पन्त एमालेका अनुभवी नेता हुन् ।
पार्टीको अघिल्लो कार्यकालमा अध्यक्ष केपी शर्मा ओलीका आलोचक रहँदै आएका पन्त पछिल्लो समय माधव नेपाल समूहका प्रभावशाली नेताका रूपमा चिनिएका थिए । तर, अन्तिम घडीमा उनी पार्टी विभाजनको विपक्षमा उभिएर एमालेमै रहने निर्णयमा दृढ भएका थिए ।
खबर पढेर तपाईलाई कस्तो महसुस भयो ?
मन पर्यो (१००%)
मन परेन (०%)
तटस्थ (०%)
रिस उठ्यो(०%)
प्रतिक्रिया दिनुहोस्