रातोपाटी न्यूज 
काठमाडौं – राष्ट्रिय स्वतन्त्र पार्टी (रास्वपा) सभापति रवि लामिछाने पक्राउ प्रकरणले पोखरा शहर दिनभर तनावग्रस्त रह्यो ।
सो पार्टीका कार्यकर्ताले लामिछाने पक्राउको विरोधमा दिनभर प्रदर्शन गरे । प्रशासनले एकसाथ पाँच जनाभन्दा बढी हिँड्न नपाउनेगरी पोखरा महानगरमा निषेधाज्ञा नै जारी गर्यो ।
तर, प्रदर्शनमा उत्रिएका रास्वपा स्वयंसेवक संघका कार्यकर्ता र नेपाल प्रहारीबीच झडप नै भयो । स्थिति नियन्त्रणमा लिन भन्दै प्रहरीले पानी र अश्रुग्यास प्रहार गर्यो ।
अश्रुग्यास र पानीको फोहरा लागेका धर्मराएका रास्वपा कार्यकर्तालाई कतै सहयोगीले भरथेग गर्दै थिए भने कतै उनीहरू सडकमै पल्टिएका थिए । प्रहरी पनि रास्वपा कार्यकर्ताको प्रदर्शन रोक्न प्रयासरत देखिन्थ्यो ।
काठमाडौंको चमतीस्थित पार्टी कार्यालय परिसरबाटै नियन्त्रणमा लिएर पूर्वगृहमन्त्रीसमेत रहेका लामिछानेलाई प्रहरी टोलीले रातारात कास्की पोखरा पुर्याएको थियो । हिजो शनिबार परेकाले उनलाई प्रहरीले आज अदालतमा उपस्थित गराएर अनुसन्धान निम्ति ६ दिने म्याद लिएको छ ।
लामिछाने पक्राउ पर्नुअघि नै रास्वपाले कार्यकर्तालाई सरकारविरुद्ध प्रदर्शनमा उत्रन आह्वान गरेको थियो । उनी पक्राउ परेदेखि नै रास्वपा कार्यकर्ताले काठमाडौंसहित देशका विभिन्न स्थानमा प्रदर्शन गरिरहेका छन् ।
तस्बिरहरूः
खबर पढेर तपाईलाई कस्तो महसुस भयो ?
मन पर्यो (१००%)
मन परेन (०%)
तटस्थ (०%)
रिस उठ्यो(०%)
प्रतिक्रिया दिनुहोस्