ओलीले राष्ट्रिय स्वतन्त्र पार्टीका सभापति रवि लामिछाने पक्राउ परेपछि अदालतलाई दबाब दिने काम भएको पनि बताएका छन् । रास्वपाले पोखरा र रुपन्देहीमा गरेको प्रदर्शनलाई लिएर उनले यस्तो भनेका हुन् । ‘न्यायालयको कामलाई दबाब र झूठको प्रचारबाट प्रभावित पार्न खोज्नु उचित होइन’, उनले भने ।

यसअघि रास्वपाले अदालतमा पुगिसकेको मुद्दालाई प्रभावित पार्न प्रदर्शन गरेको भन्दै उक्त पार्टीका नेताहरूविरुद्ध सर्वोच्च अदालतमा रिटसमेत दायर भएको छ । अदालत प्रशासनले दरपीठ गरेको उक्त रिट दर्ता भएर अब सुनुवाइमा जाँदैछ ।