काठमाडौँ। अनेरास्ववियु आरआर क्याम्पस कमिटी सहसचिव उमेश लामाले चैत्र ५ गते हुने स्ववियू निर्वाचनको चुनावमा उम्मेदवार नरहेको घोषणा गरेका छन् ।

संगठनका तर्फबाट प्रत्यक्ष सदस्य पदका उम्मेदवार बनाइएका लामाले उम्मेदवार नरहने घोषणा गरेका हुन् ।

आजै मात्र घोषणा भएको टिममा केन्द्रिय कमिटीले पठाएको उम्मेदवारको लिष्टमा लामा कोषाध्यक्षको उम्मेदवार रहे पनि पछि क्याम्पसमा नाटकिय ढंगले नेकपा एस निकट अनेरास्ववियूसँग एमाले निकट अनेरास्ववियुले गठबन्धन गर्दा लामाको कोषाध्यक्ष पद खोसिएको लामाले बताए ।

‘मैंले एकल ल्याउने मत जति मत पनि नभएको संगठनसँगको तालमेलले म जस्ता अन्य साथीहरू पनि चुनावी मैदान बाहिरिनु पर्ने अवस्था आएको छ’ लामाले भने ‘यति मात्र होइन भौगलिएताको रटान लगाउनेहरूले आफना भुगोलका मान्छे च्याप्नाले पनि हामी पछि पर्नुपर्ने बाध्यता ल्याइयो । यो हामीलाइ मान्य हुने छैन । बरू चुनावी मैदान बाहिरै रहने निर्णय गरेको छु ।’

प्रतिक्रिया दिनुहोस्